بـلليــلة عرسي بيطرب الحضور ابو نوره ونوال

المساهمات : 9 تاريخ التسجيل : 17/04/2008

بسم الله الرحمن الرحيم

السلام عليكم ورحمة الله وبركاته

هلا وغلا بالجميع

عساني مانحرم من وجودكم الدائم بصفحاتي المتواضعه

ابقدم الليلة للجميع شربات ومكسرات وشكولاتات لاجل البنيات يتونسن اعرف يموتن على هالسوالف

وبصب القهوه بريحه الهيل وبزيد الحطب تحت الدله لاجل اونس المعازيم

ماعلينا

موضوعي باختصار هو عن بداية حياه انولد فيها قلبين من جديد

طارو بليله فوق الريح

حسو الدنيا صارت وردي.. وكلها تفوح بعطور الورد بانواعه

الله اخيراً لقيت نصي الثاني

اخيرا بحط راسي على مخده تحس فيني

مو القطن الي طول عمري انخمد فيه ومادرى عني

ان بكيت بكا

وان ضحكت ضحكت

بدون ماتغير من جوي

بدون ماتقلب الدنيا من اسود الى ابيض

يعني حياه جديده

مابتشائم واقول ان الحياه بتكون مغايره لاحلامي ورومنسيتي وان الواقع مر

والرجال مابهم رومنسيه الى بالاعياد

وان العيال بكرى بيغيرون حياتنا

لا بقول زوجي جدا رومنسي

وان كان مو رومنسي انا الي بعلمه الرومنسيه وازرعها بدربه زراعه

واولادي مابيشغلوني عن حبيبي لا بالعكس بيكونون البهارات للعشقنا

وبعيش بجنه تحفها ورود وبنفسج

والجو بيدفى بعاطفتنا بعز الشتاء

الله حلات الحياه

يناديني بالحبيبه

واقول له لبيه يابعد امي

نسهر ليالي بالشموع مضويه

وللهمس حروفنا يذوب الجليد

الله حلات هالليله

ابي هالليله متى ياربي مليت انتظار

عاد اوافق على اي واحد لا لا طبعا

انا ماخذ الا واحد يزيدني حلات وغنى نفس وازيده رجوله وحلات نفس

طيب فرضا جا

انزين كيف عرسنا

اجيب محمد عبدو طبعا لاجل كل الناس تنطرب

والبنات تهز والكراسي تفضى

واخلي نوال تطربنا بعد واصاله وغيرهم

وتالي الليل اطلب من اليسا تزفني

صوتها حيل رومنسي

ابي كل البنات يغيرون مني

يقولون يابختها ليلتها ماروع منها

جابت فلان وفلان غنى

ومن مثلها جابتهم بعرسها

واطلب من زوجي بالزفه يتميلح ويبوسني

وابين للناس شقد هو رومنسي

ومرات اراتمي بحضنه وانواع الدلع لاجل الصور تكون على المستوى المطلوب

مره حلو

وش بعد

بجد هذي افكار كثير من البنات وانا كنت بمراهقتي احلم بهالامور.. لكن الان عقلت ركزت وعيت عرفت ربي اكثر والحياه اكثر

تسألت

ليله ابتدي فيها بشي حرررررام

حياه جديده ابي ابداها بهالطريقه

هل راح اكون سعيده

والله لا

استحاله

يعني لاجل ارضي الناس وتتكلم فيني

ابدى حياتي بغضب الرحمن

واحرم الملائكه من دخول عرسي

طيب الناس هنا بتحسدني حتى لو على البطال هذي بالجداوي وترجمتها ( الشين )

حتى لو قالت المطربه صلو على النبي لاجل ماتصيبنا العين مابتوصل وسط هالاغاني

والملائكه مابتدخل

وشلون بحصن نفسي بالايات وهم مابيدخولون عرسي

طيب والبوس الي نشوفها بالزفات

وكن الكوشه سرير مو كراسي

وشوله ؟!

الكل عارف شبيكون بين الزوج وزوجته وشلوه يثبتون عمليا قدامهم

معاد به دين ولا خلق ولا حياء

الزمن تغير ياجماعه

وصار الكل يتباهى بالحرام

والبنات يتحدن بعض بالتعري بالاعراس

والرقص

والي ترفض ترقص مو فري وماتفهم

وكل بنت وهي ترقص لازم تحرك فمها مع كل كلمه من الاغنيه لاجل تثبت حبها للاغنيه

والادهي والامر صارو يرقصون ويضحكون على اغاني كلها بذائه وانحطاط

الفاظها يستحي الشخص مع ذاته ينطقها صارن البنات ينطقونها وبضحك

الله بجد زمنا تغير

وصارن البنات الي يجلسن مايرقصن قليل جدا ومعقدات ومايحللون الفستان الي دافعين فلوسه

وصار الي مايجيب بعرسه الفناننين والمطربات مو رجال والا انه مسيكين فقيران

زمن بجد غريب

والفلوس تضيع

وهاك ياتعاسه عروسين

على ليله

ابتدت بحرام

ومادامت فرحتها بحد باب القاعه

حسافه الريالات الي اشوفها بعيني بالهوى طايره

كم من بيت جايع يتمنى منها رغيف خبز

وكم من طالب مانجح بجامعته لان مالقى ثمن كتاب يشتريه

برغم ان السعاده ماتصير الا بمساعدتهم

اقسم بالله مساعدتهم بالصدقات هم سبب سعادتنا

وهنانا بحياتنا

ولو كل متزوج بدى حياته بالقليل

وتصدق بدل مايعطيها اي شيطان يغني

كان ماسمعنا فلان طلق بنت عمه وفلان تشرودو عياله
ا

المساهمات : 7 تاريخ التسجيل : 23/11/2009

لاحول ولا قوة الا بالله
فعلا
نلاحض كثر في البنات يجاهرو بالمعصيه
اذ كانت
شي حرام تجي تقوول لكل زميلاتها
وكانه شي عادي

سار عندهم الحرام عادي
اله يصلحهم
مديرتنا
طرح جدا رائع يكشف عن حال مجتمعنا
يعطيك العافيه خيتو

المساهمات : 23 تاريخ التسجيل : 10/02/2010

يسلموو عزيزتـي بجد موضوعك

تووحفة ووآقع لكن للآسف وآقع مرير

مآنقول آلآ آلله يهديهم

يعطيييك آلف عآفية

ويسلموو يمنآآك

لآعدمنآك

كوني بخير

المساهمات : 9 تاريخ التسجيل : 23/04/2010

وعليكم السلام ورحمة الله وبركاته

كلامك معقول وصحيح

بس مين اللي يسمع

لازم احد يبدى فيها علشان يمشون عليها

اشكرك على الطرح الرائع